Søndag ettermiddag fylte bokelskarar og quizfrelste biblioteket for å høyra om nye bøker med sterk lokal tilknyting.

Arrangør av dagens treff var Fitjar folkebibliotek i lag med Fitjarposten. Først ut var Magne Nygård med den nye boka, «Anna Rasmine». Den handlar om oldemor hans, som levde frå 1851 til 1867, og vart oppfostra hos tanta og onkelen sin på Torsdagsøy. Han klarte å gi tilhøyrarane eit levande bilete av korleis det må ha vore å leva i Fitjarøyane på slutten av 1800-talet.

Steinar Hystad presenterte boka «Langenuen var hovudvegen“, med mykje godt fitjarstoff. Blant tilhøyrarane var det mange som hugsa då båtane stoppa på begge sider av Langenuen, og mange blei truleg freista til å kjøpa.

Mange blei sikkert freista til å kjøpa «Fitjar Quiz 2», den siste boka til Magnar Kloster. Denne er oppfølgjaren til «Fitjar Quiz 1», som Magnar Kloster gav ut for to år sidan. Medarrangør Håkon C. Hartvedt slo eit lite slag for den nye Fitjarkalenderen 2011, som han har fått utgitt etter tallause oppmodingar.

Samkoma søndag kveld blei avslutta med ein quiz under kyndig leiing av Magnar Kloster. Fem lukkelege vinnarar kunne gå heim med den nye quizboka under armen.