Her på Vestbøstad kan både små og store, unge og eldre trena seg på å gå på ski i flott preparert løypa. Foto: Helga Rimmereid

På Vestbøstad har dei laga ei flott «profesjonell» skiløypa på 3-4 km.

Nord for Vestbøstadtjørna i lett kupert terreng slynger det seg ei flott skiløypa. Løypa er ikkje målt, men ein antar ho er mellom 3 og 4 kilometer lang. Her er det både eit spor for å gå klassisk og på sida er det rom for skøyting. Det er Lars og Ola Sigurd Vestbøstad som har laga løypa tidleg på morgonkvisten i dag. Først måtte dei ta nokre rundar med traktoren med trommel på slep for å pakka snøen godt. Etterpå hekta dei på sporsetjaren og køyrde ein ny runde. Så var det berre å spenna på seg skia og nyta dei flotte tilhøva.

Ola Sigurd på 4 år synes det var kjempekjekt både å køyra traktor og å laga spor, og å gå på ski. Eg fekk sjå han i aksjon i løypa og han er ein dyktig skiløpar til tross for sin unge alder. Men verken Lars eller Ola Sigurd har lyst til å vera åleina i sporet. Alle som ynskjer det er velkomne til å nyta fasilitetane på Vestbøstad!

I løpet av dagen kan det tenkjast at det kjem like proft skispor på Rydland ein stad, til glede for dei i Øvrebygda.

Her på Vestbøstad kan både små og store, unge og eldre trena seg på å gå på ski i flott preparert løypa. Foto: Helga Rimmereid