I helga som var deltok fem unge idrettsfolk frå Fitjar i Gneistspelen på Fana Stadion, og resultata var gode.

Tone Sandtorv Brakedal (15) prøvde seg på ein 100 meter etter fleire veker med kneskade. Ho sprang flott i 75 meter og leia klart, men då viste Fride Bru Waage frå Haugesund at 100 m varer i 25 meter til. Likevel blei det ein fin andreplass til Tone i motvind på tida 13.42, berre fire hundredelar bak vinnaren.

Anna Sandvik Bø (10) gjekk heilt til topps på 60 meter hekk med den fine tida 13,56. I høgde presterte ho ein del dårlegare enn persen som ho sette førre helg med 1,16, men ein delt 2.-plass er slett ikkje ille. På 60 meter kom ho inn som nummer to i sitt heat med tida 10,62. Samanlagt blant dei 18 løparane fekk ho 5.-plass. Personleg rekord i lengde med 3,01 gav denne gongen ein 9.-plass.

Marius Torbjørnsen (11) kjempa godt på sin 200 meter-debut, og kom inn til tida 34,58. Dette gav 5.-plass i hans heat.

Rekruttane Bjart (7) og Johannes Sandvik Bø (8) sprang 60 meter og hoppa lengde.

Ingressbilete: Tone Sandtorv Brakedal kjempar i teten på 100 meter i Gneistspelen.