Laurdag føremiddag kom dei første husa på plass i 2. etasje i Larsen-bygget.

Primus motor Sissel Jørgensen vonar på like god respons som i fjor. Då var det eit allsidig utval av hus frå ulike delar av bygda. Til og med nokre vindmøller var plassert på øverste hylle. Det seiest at dei var tidkrevjande å få til. Då Fitjarposten.no stakk innom i dag, trefte me to hyggelege jenter frå Fitjar vgs. , Hilde Bjelland og Marita Gregersen, som sat klar til å hjelpe med plassering . Dei hadde det ikkje travelt, men det vert nok meir å gjere etter kvart. Fristen for å levere går ut om to veker. Første søndag i advent (i morgon) er det også høve til å kome med sitt bidrag. Å lage peparkakehus er eit lagleg arbeid for heile familien. Bli med du og!