Slik måler du mønsterdjupna på dekket ditt. Foto: Tryg Forsikring.

I dag skal piggdekka vera av, men tre av ti kjenner ikkje krava til mønsterdjupne på sommardekka, viser ei spørjeundersøking for Tryg Forsikring.

I ei pressemelding understrekar Tryg Forsikring kor viktig det er å ha sommardekk med djupt nok mønster.

28 % av dei spurde kjenner ikkje til krava til mønsterdjupn

– Å køyra med nedslitne sommardekk er farlegare enn mange trur. På våt asfalt risikerer ein planing og tap av kontroll over bilen i låg fart. Jo mindre mønsterdjupne, jo meir aukar faren. Det skuldast at dekkmønsteret skal skyva vatn unna i fart, og utan nok djupne klarer ikkje eit slite dekk det, seier Torbjørn Brandeggen, kommunikasjonsrådgiver i Tryg Forsikring.

Den minste tillatne mønsterdjupna for sommardekk er 1,6 millimeter. Det er minimum, og vil til samanlikning med eit nytt dekk ha mange titals meter ekstra i stopplengde ved bremsing i 80 km/t.

Ei spørjeundersøking som analyseinstituttet YouGov har gjort for Tryg Forsikring, svarer heile 28% «nei« på spørsmålet om dei kjenner krava til mønsterdjupna på dekka.

– Vi anbefaler å skifte sommerdekk når mønsteret har blitt slite ned til 3 millimeter. Nedslitne sommardekk kan vera avgjerande i ein kritisk unnamanøver, spesielt på våt vegbane, men også på tørt underlag vil ein miste grepet raskere, sier Brandeggen.

Veit ikkje korleis dei sjekkar mønsterdjupna

I spørjeundersøkinga som som YouGov har gjort for Tryg Forsikring, kjem det også fram at 16 prosent av dei spurde ikkje veit korleis dei kan sjekka mønsterdjupna på dekka sjølv.

– Det er litt nedslåande, men ikke overraskende. Mange skiftar eller sjekkar ikkje dekka sine sjølv lenger. Det enklaste er å ta ei fyrstikk der svovelhovudet er minst 3 mm. Stikk fyrstikka ned der dekket er mest slite. Er svovelhovudet ikkje synleg, er mønsterdjupna minst 3 millimeter. Mål gjerne både i midten og på begge sider av dekket når du først er i gang. Vil du måla litt meir nøyaktig, kan du bruka en tommestokk, sier Brandeggen.

Vanlegvis skal piggdekka av i Sør-Noreg første måndagen etter påske, men på grunn av koronakrisa har Vegvesenet valt å setja fristen for heile landet til 1. mai.

Bruk fyrstikktrikset til å sjekka om du har djupt nok mønster på dekka dine. Foto: Tryg Forsikring.