Unge, håpefulle Fitjar-spelarar har vore i aksjon under Puttefestivalen på Stord i dag.

I helga er det 10 lag frå Fitjar IL på Puttefestivalen på Leirvik, seks lag laurdag, og fire skal spela kampane sine på søndag. Alle laga får minst fire kampar à 2×13 minutt. Kampane blir avvikla på Vikahaugane kunstgras og Stord Stadion. I tillegg til å spela fotballkampar kunne ein køyra tog rundt andedammen og hoppa i hoppeslottet.

Etter kampane var det høgtideleg premieutdeling, meisterleg leia av Arve Havnerås, som nesten fekk tårer i augene når det eine Fitjar-laget etter det andre entra scenen, der alle fekk medalje. I tillegg får alle t-skjorte og lagbilete.

I dag spelte to lag gutar 2004, to lag jenter 2004 og to lag gutar 2005. I morgon stiller to lag gutar 2003, eitt lag jenter 2003 og eitt lag jenter 2005.