Handballgutane frå Fitjar trivst i Danmark, fortel trenar Bengt Monry Olsen.

Dei er vel etablerte i Holstebro, fortel Bengt Monry i ein mail til Fitjarposten. Tysdagen gjekk med til å flytta inn på vandrerhjemmet og og til litt shopping i Holstebro. I dag har dei gjennomført ei god trening på Idrætsenter vest. Også i morgon blir det trening.

Onsdagen har dei elles brukt til ymse moro. Gokartkjøringa slo godt an, det same gjorde medaljeutdelinga etterpå. Nr. 1 blei Vegard Hareide, med Magne Vestbøstad og Fredrik S. Jensen på dei neste plassane. I dag har dei òg spelt lasergames. Det er laserkrig med laser og røyk, og masse høg musikk. – Drit kult var det visst, skriv Bengt Monry, og lar det skina gjennom at det nok passar best for ungdom 

– Gutane og me vaksne nyt livet i Danmark, sola skin, avsluttar Bengt Monry, som let til å vera like optimistisk som før avreisa til Danmark.