Ørnakulten bar namnet sitt med rette her om dagen då me nytta solskinet til ein tur frå Rydlandssago til Prestavarden.

Ørnakulten er den skogkledde høgda me passerer på veg mot Prestavarden, eit stykke ovanfor Fuglatjødno.


Bru over Tinnnselvo ved utløpet av Fuglatjødno. Foto: Kjetil Rydland.


Utsikt mot Prestavarden og Ørnakulten frå nordvest. Foto: Kjetil Rydland.

Her syntest me at me høyrde fuglelydar som ikkje er så vanlege å høyra, men du kan høyra dei her på nettstaden fuglelyder.net.

Ingen ørnar viste seg før me nådde toppen av Prestavarden, eit flott utsiktspunkt 422 moh. Sjølv om dei ikkje kom veldig nær, var dei eit flott syn i solskinet.

Prestavarden ser ikkje ut til å ha hatt mange besøk i det siste, sjølv om det er eit turmål me absolutt kan anbefala. Her er det flott utsikt ut over havet og austover Stordafjellet mot snøkledde fjell i Kvinnherad. Vel verdt eit besøk, sjølv utan ørnar på vengene!


Frå Prestavarden er det fin utsikt mot Stovegolvet og Kvinnherad. Her går det sti vidare sørover mot Kløvfjellet og vidare til Vatna, og i motsett retning til Sæterbø. Foto: Kjetil Rydland.