Fitjar jublar for opprykk til 4. divisjon etter ein knusande siger 7-0 over Laksevåg laurdag ettermiddag.

A-laget til Fitjar hadde ingen problem med å valsa over tunge bergensarar i heimekampen i 5. divisjon. Dagens mann blei Thomas Vestbøstad Waage; tidenes toppscorar i Fitjar-fotballen scora fire mål og blei utropt til dagens Fitjar-spelar. Dei andre måla blei sette inn av lagkaptein Øyvind Fykse Lie (2) og Kjell André Thorland.

Med dagens kalassiger er Fitjar puljevinnar, og er klar for 4. divisjon for første gong sidan 2008. Me kjem tilbake med referat frå kampen så snart sigerschampagnen har sige unna.