Kunstgrasbanen vart offiselt opna, laurdag ved at ordførar Agnar Aarskog, bokstaveleg talt, sparka ballen over til Tore Nesbø i fotballgruppa.

Ordføraren gav vidare ros til Idrettslaget som, då kommunen ikkje hadde nok pengar, gjekk inn i eit samarbeidsprosjekt med kommunen for å få dette til. Leiar i Fitjar Idrettslag, Sigbjørn Aarland heldt deretter ein tale der han fortalde om bakgrunnen for at "sjølv veteranar i 50 åra no kunne knyta på seg fotballskoa for å spela kamp på kunstgras i Fitjar. Veteranlaget (med fødselsdatoar frå 1954 -1956) spela så mot det suksessrike G13 laget. Og om dei aldri så mykje var eldst, måtte dei denne gongen gje tapt for teknisk gode og hurtige gutespelarar.

Veteranane: (Foran f.v):Lars Inge Nesbø, Magne Skumsnes, Bjarte Skumsnes, Bjørn Haaland. Bak:Bajarte Stubhaug, Audun Bårdsen, Roald Nilsen og Trygve Nesbø, kjempa godt, men tapte likevel mot gutelaget G13. Foto: Håkon C. Hartvedt