Førstkomande søndag, 9. september, har du høve til å bli kjent med Årskog museum på ein heilt ny måte. Då vert det arrangert open dag med mange artige aktivitetar.

Bygdekvinnelaget 
skipar til Café.
 Vidare syner dei fram kinning av smør, og det vert 
smaksprøver på flatbrød og det nykinna smøret.

Husflidslaget
syner fram veving på Oppstadveven, snordreiing til hoppetau, slyngestokkar til band, strikking, perling, kontstrikk, hekling, ulike typar handarbeid og korleis ein skal  stoppe raggsokkar. Ta gjerne med eigne holete sokkar, oppmodar dei.

Sunnhordland Museum 
vil ha teaterframsyning med kjente og kjære figurar frå Torbjørn Egner sine bøker.

I tillegg til alt dette vert det Hesteskokasting, skyting på blink ved Fitjar Skyttarlag, «Spytt i pøsen» (rognebærspytting) og
eplekranslaging.

Inngangsbilletten trur me ikkje skremmer nokon: Kr 150,- pr. familie / kr 50,- pr. person.