Førstkomande sønag vert det open dag på Arskog museum, skriv kultursjef Bente Bjelland i ei pressemelding.

I lag med samarbeidspartnarane sine held kulturkontoret i Fitjar kommune oppe tradisjonen med open dag på museet i Årskog, og som vanleg kan dei lokka med eit variert program.

Det vert høve til å lage eplekranser, hoppetau, minikurs i strikking av Fitjarkastet, minikurs i strikking av fruktnett og labbastrikking (ta med ferdig brot og lær å strikke hæl), fortel Bente Bjelland.

Vidare blir det demonstrasjon av oppstadveven, flatbrødbaking og smørkidning med smaksprøvar. Og det blir høve til å prøva hesteskokasting, å gå på stylter og å sjå samlingane på museet.

Det blir opplesing ved Johanne Øvstebø Tvedten: «Gutane på Kidno».

Det blir open kafé med kaker kaffi og saft. Arrangørar er Fitjar kommune ved kulturkontoret, Sunnhordland museum, Fitjar husflidslag og Fitjar bygdekvinnelag.

Johanne Øvstebø Tvedten er ein høgt skatta opplesar. Foto: FP-arkiv/KR.

 

Årskog museum på Fitjar

Årskog museum er ein gamal vestlandsgard som brørne Lars og Olai Årskog testamenterte til Fitjar kommune i 1980. Garden har vore i same slekta i om lag 400 år.

- Annonse -

Ned mot sjøen ligg eit verdifullt kulturlandskap med rydningsrøysar og steingard, gardstun og naust som viser kombinasjonen jordbruk og fiske, som var vanleg i Kyst-Noreg.

Oppstadsveven er den eldste vevstolen ein kjenner til. Berta Liarbø har med sin vevnad ført vidare ein viktig del av den norske kulturarven.

Årskog museum under open dag i fjor. Foto: FP-arkiv/KR.