Tysdag ettermiddag opna dei yngste løparane o-sesongen ved kunstgrasbanen.

Då o-gruppa drog i gang sesongen i ettermiddag, stilte 24 løparar på startstreken, dei fleste 8- og 9-åringar. Først varma dei opp med ei lita løype på eit par minutt mellom hekken og fotballmålet. Dette var mest for å sjekka at utøvarane fekk utstyret til å fungera. Kvar deltakar får ein elektronisk brikke som dei registrerer kvar postpassering med. På denne måten kan ein etterpå lett lesa av nøyaktig kor tid kvar enkelt deltakar passerte dei ulike postane, og naturlegvis totaltida for den enkelte.

Utstyret fungerte som det skulle, og etter ein liten prøvetur i miniløypa, bar det ut på ein litt større tur. Løypa gjekk innom byggjefeltet i Bakkjen og gjennom Moahagen. Det såg ut til at alle fann fram; dei fleste brukte 15-20 minutt på runden.

Om ei veke er det nytt løp, det første i Fitjarkarusellen. Laurdag blir det råd å få tak i turorienteringsmappa, og søndag er det Finn fram-dag til Beinatjønnsvarden. O-sesongen er i gang for fullt!