Ingvild Rimmereid. Foto: FP-arkiv/KR.

Handballdamene til Fitjar IL gjekk på eit nytt tap i kveld, då dei møtte Os 3 til oppgjer i 5. divisjon.

Poenga set tydelegvis langt inne for damene våre i 5. divisjon, og i kveld blei det eit nytt klart tap. Heile 26-17 vann trearlaget frå Os.

Også denne gongen heldt Fitjar-damene bra følgje i ein omgang. Ei stund i første omgang var dei endå til oppe i leiinga. Og ved pause stod det lovande 9-11.

I byrjinga av andre omgang reduserte Martine Fredlund til 10-11, men derfrå og inn blei det veldig tungt, og Fitjar-damene måtte sjå gjestene dra jamt og trutt ifrå. Etter kveldens kamp ligg Fitjar heilt nede på sisteplassen i 5. divisjon avd. 01 med to poeng.

Toppscorar for heimelaget i kveld blei Ingvild Rimmereid med fire mål

Fitjar sitt lag mot Os 3 (mål i parenes): Mariell Stølås (k), Lisbeth Nesbø (1), Martine Fredlund (1), Helene Rimmereid (1), Anita Haugland (2), Maria Grastveit Larsen (3), Emilie A. Hystad, Cathrine Dyrdal, Julie Skjerve Jensen (3), Renate I. Olsen (2), Ingvild Rimmereid (4), Anna Thorland, Monica Våge Helland.

- Annonse -