Lars Fitjar Waage gav Fitjar to trøystemål i sluttminutta på Søfteland i kveld. Foto: FP-arkiv/KR.

A-laget til Fitjar har vore på Søfteland i kveld og tapt heile 4-8 mot ekte mannfolk som var betre i det meste.

Det blei ny grisebank for dei beste fotballgutane våre då dei gjesta Søfteland onsdag kveld. Heile 4-8 måtte A-laget tola, etter at det stod 1-8 ti minutt før slutt. Men tre mål i løpet av dei ti siste minutta pynta noko på det skrekkelege resultatet.

Eit skaderamma Fitjar heldt nokolunde stand i 20 minutt, men då heimelaget begynte å scora mål, rakna det for Fitjar. Ved pause stod det 4-1, etter at Daniel Skarpnes hadde redusert til 1-3 i sluttminuttet. Berre for å sjå at heimelaget scora rett etterpå.

Andre omgang blei ikkje mykje betre for Fitjar, som måtte tola at heimelaget scora flittig. Etter 80 minutt stod det heile 8-1, og grisebanken var igjen eit faktum. I sluttminutta reduserte Lars Fitjar Waage to gonger og Helge M. Træet éin gong for Fitjar. Dermed blei nederlaget «berre» på fire mål, 4-8 er trass alt litt finare.

Trenar Jan Åge Tislevoll fortel frå ferjelemmen på Halhjem at det blei ein tøff kamp på Søfteland. Gutane hans hadde lite å stilla opp med mot ekte mannfolk, som var betre enn Fitjar i det meste. Sjølv kunne han feira kvelden med ei målgivande pasning etter at han kom innpå på slutten, i sin første seriekamp på halvtanna år.

Laget hans var noko redusert av skader i kveld, og det er tydeleg at dei treng alle mann friske og raske for å kapra poeng i 5. divisjon avd. 02 Hordaland. Neste sjanse kjem heime mot Mathopen torsdag 23. mai.

Søfteland IL – Fitjar IL 8-4 (4-1)
Søfteland idrettsplass onsdag 15. mai kl. 19.00
Seriekamp 5. divisjon avd. 02 Hordaland
Dommar: Frode Wold, Lysekloster IL

Mål: 1-0 Kristoffer Engevik Skjelde (21), 2-0 Steffen Mauricio Bernsen (28), 3-0 Baste Bognøy Jonassen (32), 1-1 Daniel Skarpnes (45), 4-1 Johannes Jordal (45), 5-1 Håkon Hunnes Hanssen (49), 6-1 Steffen Mauricio Bernsen (52), 7-1 Tom Gabriel Østgulen Rondestveit (62), 8-1 Henning Wold Gjelsvik (80), 8-2 Lars Fitjar Waage (81), 8-2 Lars Fitjar Waage (84), 8-4 Andreas Vestbøstad (86).

- Annonse -

Gult kort: Sondre Brochmann Skylstad (45.), Søfteland.

Fitjar sitt lag: Ruben Træet, Kristian Træet (Andreas Vestbøstad 30), Svein Arne Jordan Raunholm, Helge Myrmel Træet, Torbjørn Korsvik, Lars Fitjar Waage, Leif Tore Nesbø Aarland (Eirik Træet 60), Nabeel Amir Makawi Zeynalabedeir (Jonas Yang Tislevoll 40), Daniel Skarpnes (Jan Åge Tislevoll 70), Joakim Malkenes Fitjar (Åsmund Sørfonn 65), Øyvind Fluge Rydland.