Politiet knuste ruta ved døra då dei braut seg inn i kyrkjelyden grytidleg fredag morgon. F.v. Geir Vik, Reidun Vik, Frode Sunnhordvik, Marit Janne Sunnhordvik, Alf Helland, Kristin Håvik og Frank Håvik. Foto: Kjetil Rydland

Kyrkjelyden Nytt Liv på Stord som husa ein afghansk familie, som i februar blei henta av politiet, politimelder PU for måten aksjonen vart gjennomført på.

– Eg reagerer først og framst på brutaliteten i det som skjedde. Det var tre små barn i lokalet. Likevel knuste politiet seg inn, seier pastor Frank Håvik, forstandar i Nytt Liv, til NRK.

Håvik har med kyrkjelyden i ryggen politimeldt Politiets utlendingsenhet (PU) til Spesialeininga for politisaker. Dei mener aksjonen var å rekne som uforholdsmessig politibrutalitet, brot på politiinstruksen samt brot på menneskerettane til familien.

Det var i slutten av februar at politiet henta ekteparet og deres tre barn ut av huset der dei budde på Fitjar.

Politiet har hevda at bygget ikkje kunne kallast ei kyrkje, men ein bustad. Familien og kyrkjelyden har likevel heile tida sagt at dei var beskytta av kyrkjeasylpraksisen.

– Politiet føretak som hovudregel ikkje arrestasjonar i kyrkjebygg eller bedehus tilhøyrande kyrkja. Bustaden som personane har budd i er ikkje eit kyrkjebygg, skriv Anne-Karin Storhaug, fungerende sjef ved juridisk seksjon i (PU), i en epost til NRK.

Familien tapte i mars retten til å bli i landet. Familien har sidan vore i kirkeasyl i Hønefoss.

- Annonse -