A-laget til Fitjar gjekk på eit nytt 1-2-tap då dei gjesta Telavåg til oppgjer i 4. divisjon laurdag ettermiddag.

Fitjar kom poenglause heim frå Sotra etter ein relativt svak kamp i Telavåg, etter det me forstår på trenar Kjell Træet.

Gutane hans opna kampen bra, og allereie etter fem minutt tok Fitjar leiinga ved Badi Hurasi. Han fekk ballen etter ein del klabb og babb i Telavåg-forsvaret, og kunne setja ballen i mål.

Fitjar heldt fram med bra spel i rundt 25 minutt, men frå då av skjedde det lite som gledde eit trenarhjarte. Resten av kampen var dårleg frå vår side, seier Kjell Træet.

Spelet var svakt, men det som skuffa trenaren endå meir, var den svake innsatsen. Sjølv om du ikkje får til det fine spelet, må det gå an å jobba meir, meiner Fitjar-trenaren.

Telavåg sine mål kom rett før og rett etter pause. Begge gonger sprang heimeangriparane frå Fitjar-forsvaret.

Det gjer ikkje humøret til Fitjar-trenaren betre når han tenkjer på den relativt svake motstanden i dagens kamp. – Televåg er eit lag som kjem til å sllita i årets 4. divisjon, seier Kjell Træet.

Neste sjanse til poeng får gutane hans førstkomande laurdag, når dei møter Trio til dyst i 4. divisjon.

KAMPFAKTA

Telavåg-Fitjar 2-1 (1-1)

Seriekamp 4. divisjon, menn

Telavåg gress 18. april kl. 15.00

Mål:
0-1 Badi Hurasi (5.), 1-1 (41.), 2-1 (55.)

Dommar:
Stian Bye Pedersen, Gneist, IL

Laget til Fitjar:
Oddgeir Træet, André Helland (Frode Malkenes 77.), Jan Åge Tislevoll, Emil Fitjar, Sander Tverborgvik, Helge Træet, Øyving Fykse Lie, Mats Brakedal, Sebastian T. Thomassen (Torbjørn Korsvik 66.), Badi Hurasi, Thomas Vestbøstad Waage (Jonas Tislevoll 66.)