Det vart i går meldt om to nye trafikkuhell på E39.

Kl. 1605 blei det meldt om trafikkuhell på E39 ved avkøyringa til Litlabø i 70-sona. To bilar hadde kollidert front mot front. Det vart lukkelegvis ikkje meldt om alvorleg personskade. Til saman var det fire personar i dei to bilane, og alle fire vart tekne med til sykehus for sjekk.

Ein russebil hadde stansa opp for å svinge av E39. Bilen bak klarte ikkje å stanse og svinga ut i motgående køyrebane og kolliderte med møtande bil. Det er ikkje mistanke om rus. Saka vert etterforska av Stord lensmannskontor.

Kl. 1856 fekk politiet melding om ei ny trafikkulykke på E39. Denne gongen sør for Ådland bru. En bil låg på taket med to personar inni. Begge personane, eit ektepar i 70-80 åra, var medvitne. Mannen var sjåfør og kona passasjer. Mannen vert behandla ved Stord sjukehus, mens kona er frakta vidare til Haukeland sjukehus. Årsaka til ulykka er ukjent. Ingen andre køyretøy var involverte.