Mariann Vestbøstad, frå Fitjar, smadra sin eigen verdsrekord og vart noregsmeister på 50m rygg i går. NM i symjing (langbane) hadde startskot i Namsos i går. Mariann Vestbøstad hadde den gamle verdsrekorden for funksjonshemma på 50 rygg med 39,02. Den nye rekorden lyder på 37,21 og er rett og slett ein fantastisk forbetring. Under opningsseremonien vart Vestbøstad også tildelt kongepokalen for funksjonshemma for 2007, melder svomming.no.

Fredag kveld persa Mariann solid på 100 rygg, som ho vann på tida 1.19,96. Dette var nesten 2 sekund fortare enn då ho fekk sølv i VM, i følgje vestkantsvommerne.no, som i tillegg melder at Mariann også stakk av med sigeren på 50 fri med den fine tida 33,77.

Laurdag vann Mariann 100 butterfly på tida 1.28,48.