Britt Lise Volden i velkjent positur. Foto: Kjetil Rydland.

På eit vått kunstgras vann Fitjar-damene søndag ettermiddag så klart som 11-6 over Søfteland.

Fitjar-damene spelte i dag sin siste heimekamp i serien. No har laget igjen 2 bortekampar, mot Nest-Sotra og Halsnøy. Dagens kamp mot Søfteland opna forholdsvis jamt, men gradvis overtok Fitjar meir og meir av banespelet, og etter 9 minutt sendte Britt Lise Volden Fitjar i tet. Fitjar var tett i markeringane og slapp sjeldan Søfteland til framfor Fitjar-målet. Framover på banen kom fleire av scoringane etter fint spel, der ballen gjekk kjapt langs bakken.

Andre omgang blei ikkje av same gode kvalitet som første. Søfteland opna med to kjappe reduseringar, og det var ei lita stund spenning i kampen. Den lille spenninga som var igjen i kampen, fjerna dagens Fitjar-spelar Anne Helene Vestbøstad i andre omgang då ho laga hat trick. Totaltblei det 5 mål på Anne Helene i dag.

Mykje av det som blei produsert framover på banen var veldig bra i dag, men totalt sett var kampen litt for ujamn. Og fleire av baklengsmåla var av den enkle sorten.

Britt Lise Volden i velkjent positur. Foto: Kjetil Rydland.
Verken vêr eller motstandarar kunne stoppa Anne Helene Vestbøstad. Foto: Kjetil Rydland.
Verken vêr eller motstandarar kunne stoppa Anne Helene Vestbøstad. Foto: Kjetil Rydland.