Det går unna hjå Fitjar Mekaniske Verksted. Torsdag signerte verftsdirektør Hugo Strand (til høgre) og dagleg leiar i KB Dykk A/S, Ola Krystad, ein kontrakt på eit nytt fartøy, med opsjon på eitt til.

 

Det var under messa AquaNor i Trondheim dette skjedde. Kjøparen er KB Dykk frå Rørvik, som tidlegare har bygd to liknande fartøy ved Fitjar Mek., og desse blei levert no i sommar. Det er snakk om ein arbeidskatamaran på 15X12 meter i ein noko oppdatert versjon, mellom anna for å møta reglar som trer i kraft i 2018.

 

Det er ein båt av denne typen som er bestilt av KB Dykk. Foto: Fitjar Mekaniske Verksted

 

 

Gjengen frå Fitjar Mekaniske Verksted rapporterer også at «Fitjarpølso» var ein suksess også i Midt-Norge, og gjorde at delegasjonen blei lagt godt merke til på bransjemessa i Trondheim. Frå venstre: Åsmund Sørfonn, Ernst Olav Helgesen, Christian Hoff, Jorunn Helgesen, Nils Andreas Brekke ( bak ) og Hugo Strand. Foto: Fitjar Mekaniske Verksted

 

 

Ingressbilete: Handtrykket som forseglar kontrakten. Ola Krystad,dagleg leiar i KB Dykk A/S til venstre og verftsdirektør Hugo Strand. Foto: Fitjar Mekaniske Verksted