I går kveld var A-laget til Fitjar ein tur over til Halhjem og slo Søre Neset så klart som 6-1.

Etter heimetapet for Trott på kunstgraset har gutane til Kjell Træet vore ustoppelege i treningskamane. I gå kveld var turen komen til Søre Neset, som måtte tola tap 1-6 på kunstgraset sitt heime.

Storscorar Thomas V. Waage brukte berre to minutt på å finna vegen til nettmaskene, og ga 1-0 for Fitjar. Han scora på nytt etter vel ein halvtimes spel, slik at Fitjar kunne gå til pause med leiing 2-1.

I andre omgang scora Øyvind Fykse Lie to mål, det første på straffe. I sluttminutta scora også Jan Åge Tislevoll og Helge Træet kvar sitt mål, slik at sigeren blei så klar som 6-1.

Lagoppstillinga til Fitjar (4-2-3-1):
Oddgeir Træet (Aleksander Henriksen 73. min.), André «Mini» Helland (Sander Tverborgvik 45. min.), Martin Vestbøstad, Emil Fitjar, Bernt-Ove Maraas (André «Mini» Helland 73. min.), Helge Træet, Øyvind Fykse Lie, Kjell André Thorland (Henrik Raunholm Kjelling (73. min.), Geir Steffen Tranøy (Badi Hurashi 45. min.), Henrik Raunholm Kjelling (Goff Artsamai 60. min.), Thomas Vestbøstad Waage (Jan Åge Tislevoll 33. min.).