Fredag kveld er det ein ny, viktig seriekamp for A-laget til Fitjar, denne gongen mot NHH2.

Toarlaget til Norges Handelshøyskole ligg midt på tabellen i 5. divisjon med sine 5 poeng. Dette er berre to poeng bak Fitjar, og dei kan nok bli vanskelege å hanskast med. Derfor er A-lagstrenar Kjell Træet glad for at han kan mønstra ein sterk tropp i morgon kveld. Endeleg er Helge Træet klar for come back etter naseskaden sin, og vil få sin seriedebut mot NHH2.

Kjell Træet gler seg til nok ein viktig kamp, og håper naturlegvis at publikum møter mannjamt opp på grasbanen fredag kveld kl. 19.00.