Den gode maten gjekk ned på høgkant då Sunnhordland, Hordaland, Rogaland og Stavanger kommune saman inviterte til norsk frukost i Lyon i dag, fortel ei pressemelding frå Lyon, der fleire ordførarar frå området vårt er plass i samband med årets Bocuse d`Or.

– Frukosten som er blitt en tradisjon under Bocuse d’Or i Lyon er ein viktig møtestad for å byggje relasjonar og profilere norsk sjømat i Frankrike. Representantar frå franske daglegvarekjeder og finare restaurantar møtte norske kokkar, måltidsnæring og premissleverandørar til ein norsk frukost, heiter det vidare.

Frukosten var nok litt over gjennomsnittet for både fransk og norsk standard, med østersen ”Vesters” fra Bømlo, Sterlingkveite frå Hjelmeland, sild og Salmalaks tilberedt av Ryfylke-kokken Frode Selvaag og kjøkkensjef Frode Alræk fra Søtt og Salt i Bergen. Gjestene fekk òg smake spesialitetar frå Lyon.

– Det er veldig fint å vere her med to supre sjømatprodukt frå Bømlo. Flatøstersen ”Vesters” frå Bømlo er avla på den gode gamle måten, seier ordfører i Bømlo, Odd Harald Hovland.

Kokken Ørjan Johannessen frå Austevoll er favoritt før det uoffisielle kokke-VM Bocuse d’Or, og Sunnhordland har saman med den berømte Salmalaksen frå Bremnes eigen stand under den store Sirhamessa.