Bård Inge Bø har sendt ein e-post der han skriv om nye friidrettsbravader  av Tone Sandtorv Brakedal og Ådne Kongestøl Vik.

Fitjar si friidrettsgruppe hadde med to representantar på NCC-leikane på Osterøy denne helga. NCC-leikane er ein vestnorsk meisterskap der berre dei beste frå kvar krins får vere med.

Tone Sandtorv Brakedal (13), småskadd, med ein strekk i eine setemuskelen, gjorde som alltid ein kjempeinnsats.

1.-plass i tresteg med 10,38.

2.-plass på 60 m, i sterk motvind, med 8,63 (8,57 i forsøket, også då i motvind).

2.-plass i lengde med 4,80 (ny pers).

5.-plass på 60 m hekk etter eit mislukka løp i finalen (bomma på første hekken) og 11,41. I forsøket persa ho med 10,11, og med tilsvarande tid i finalen ville ho gått heilt til topps.

Ådne Kongestøl Vik (14) byksa over 1,46 m i høgde med tilløp, og kapra med det ein flott 7.-plass blant Vestlandets spenstigaste jamaldringar.