– Eg skal på jobb i dag, sa ein av gutane, karsleg, då gruppa «Gaukareiret» frå Fitjarstølane barnehage var på besøk hos FMV i dag.

Produksjonssjef Åsmund Sørfonn fortalde og viste dei små både båtar og, ikkje minst, dei store kranene. – Oj, oj, oj kom det frå ein av dei små då. Ein tur innom røyrhallen der ein held på å byggja eit styrehus vart det òg tid til.

Til slutt tok teknisk sekretær, Marie Vatne, dei med innomhus der det vanka pølser, frukt og is. Før dei gjekk fekk ungane òg med seg dataskissar av skip som dei kunne fargeleggje.

Opplegget heng saman med at Fitjarstølane barnehage har jobb som tema for tida. I tillegg til gruppa som var på FMV, var ei gruppe og såg på kva Engevik & Tislevoll driv på med på Rossneset mens ei tredje var på besøk til Båthotellet på Årskog.