Arkivfoto Fitjarposten

Gatelysa langs Stølsvegen/Fitjargardsvegen har slokna.

Før jul oppfordra Rimbareid skule og Fitjar kommune elevane til å gå Stølsvegen/Fitjargardsvegen til skulen medan arbeidet med miljøgata fann stad i sentrum.

Dei oppfordra elevane til å nytta denne vegen både når dei gjekk til skulen, og når dei skal på aktivitetar på ettermiddag- og kveldstid.

No kan foreldre opplysa Fitjarposten at lyset langs vegen forsvann for ei vekes tid sidan.

Fitjar kommune seier dette er uheldig, og skal sjå på saka så fort som mogleg.