Jens Øien Kloster saman ned vinnaren i klasse H15-16, Birk Bell Lysaker frå Fana IL. Foto: Kjetil Rydland.

O-gruppa i Fitjar Idrettslag nytta Midtfjelletdagen til å avvikla årets kretsmeisterskap i orientering rett etter motbakkeløpet, og over 80 løparar fekk retteleg lufta seg i det laglege vêret.

Tradisjonen tru skipa o-gruppa til «Møllesprinten» blant vindmøllene i Midtfjellet i går. Løpet samla god deltaking og blei kombinert med kretsmeisterskap.

Kenneth Westerheim, vinnar av H17 tok vandrepokalen for 3. gong. Foto: Kjetil Rydland.

I den raskaste klassen blei det gull og pengepremie til favoritten, den gamle kjenningen Kenneth Westerheim frå Stord. Dermed vann Westerheim vandrepokalen for tredje gong.

I denne klassen imponerte tredjemann, Oskar Røen frå Varegg, like mykje. Han «lada opp» til o-løpet med å springa motbakkeløpet «Først til mølla» på tida 21,45, som heldt til sjetteplass!

Vår raskaste mann i o-løypa, Jens Øien Kloster, blei nummer fem i klassen H15-16, eit stykke bak vinnaren Birk Bell Lysaker frå Fana IL. I D13-14 fekk Mari Fitjar Hjelle, sølvmedaljen, medan onkel Frode Fitjar vann klassen klassen B-open føre Geir Arne Isdahl og Kjetil Hjelle.

O-løparane var godt fornøgde med den luftige løypa, og som vanleg drog eldsjelene i o-gruppa arrangementet i land på ein prikkfri måte. O-folket gler seg allereie til Møllesprinten neste år!

Resultat og meir informasjon om Møllesprinten finn du på Eventor.

Mathias Rosenlund frå Varegg har veldig lite tid i starten. Foto: Kjetil Rydland.
Søstrene Fitjar Hjelle gjorde som vanleg ein flott innsats i o-løypa. Foto: Kjetil Rydland.

 

Framtida til o-sporten i Fitjar? Søstrene Mathilde og Henriette Tufteland Lundal var ikkje med i sjølve Møllesprinten, men fann lett fram i den korte orienteringsløypa ved B12. Foto: Kjetil Rydland.