Trim for modne damer på Fitjar Treningssenter har blitt ein slager det siste året.

– Dette er det mest fantastiske ho har funne på, seier Ingrid Træet om fysioterapeut Kari Raunholm. Ho snakkar om tilbodet «Trim for modne damer», som starta opp på Fitjar Treningssenter i januar 2011.

Kvar onsdag frå kl. 12.30 til 13.30 er 10-15 modne damer samla til trening og trivsel i 2. høgda i Fitjar kultur- og idrettsbygg. Initiativet kjem frå fysioterapeut Kari Raunholm. Dei modne damene er ifrå seg av begeistring for dette tiltaket, som er med på å halda dei oppe både fysisk og psykisk.

Då me var innom, starta dei økta med «Ausedansen» av «Ausekarane», og stemninga stod i taket. Treningsøktene startar med god oppvarming til musikk, og deretter blir det ein halvtime med styrketrening, før trivselsøkta er over.

– Det er plass til fleire, og denne trimmen passar for alle, uansett alder og form, seier dei blide og modne damene.