Songgruppa «Manna» vert i morgon igjen å høyre på Fitjar. Ei songgruppe med svært høg kvalitet.

Då songgruppa «Manna» gjesta Fitjar i samband med Indremisjonssamskipnaden sitt årsmøte på Fitjar i 2009, nytta me dei flottaste superlativa me kom på for å skildra songen deira. I morgon, fredag, kan du høyra dei på Fitjar bedehus i samband med Misjonssambandet si møteveke med Jostein Skartveit som talar.

Skartveit er tidlegare misjonær og fortel mellom anna spennande episodar frå det han opplevde i Tanzania, der han var i sju år. Samlinga startar kl. 19.00, og etter møtet vert det kveldsmat for alle som vil ha med seg ein matbit før dei går heim.