Marius Pedersen på startstreken i det beste heatet på 600 meter. Vinnaren blei den høge, grøne til venstre. Foto: Privat.

Under Tyrvingleikane på Nadderud sist helg hevda Marius Pedersen seg godt blant dei beste ungdommane i landet, med tredjeplass i lengde som best.

Tyrvingleikane samlar kvart år dei sprekaste ungdommane i landet til fredeleg kappestrid. Ein av dei aller mest lovande ungdommane våre er Marius Pedersen, og han gjorde ikkje skam på Fitjar Idrettslag.

På 600 meter blei han nummer 6 av 30 startande, på tida 1.45,51. Og endå litt betre gjekk det i lengde, der han fekk bronsemedalje, i konkurranse med 36 andre. Det lengste spranget hans målte 4,76 meter.

Me gratulerer med dei sterke prestasjonane.

Marius Pedersen i tilløpet. Foto: Privat.
Marius Pedersen på sigerspallen etter lengdekonkurransen. Foto: Kjetil Rydland.

 

 

- Annonse -