Marius Torbjørnsen svevar høgt. Foto: FP-arkiv/KR.

I kveld har Marius Torbjørnbsen blitt nummer fire i høgde i UM på Jessheim, med 1,69 som beste resultat.

Dette er seks centimeter bak den personlege rekorden hans på 1,75. Marius gjekk fint over 1,65 og 1,69 i første forsøk, men tre riv på 1,74 gjorde at det stoppa der.

Fjerdeplass er likevel ein fin prestasjon i selskap med dei beste i Noreg. Og tredjeplassen blei kapra av Simon Cruz Fjeldstad i siste forsøk på 1,74, så det er små marginar.

Vinnar blei Abraham Sandvin Vogelsang på 1,80, føre Christian Andre Thomassen på 1,74.

Det er berre Marius Torbjørnsen frå Fitjar som deltar på Jessheim i helga; han reiser med Stord Friidrett. Marius skal hoppa tresteg laurdag morgon og lengde søndag.

Me kjem tilbake med ei oppsummering når han er ferdig med øvingane sine i UM på Jessheim.