Osternes Mannskor sin kabaret «De mann før eit kast» skal no «ut i verda». 21. januar vert han framført på Bygdatun i Langevåg på Bømlo.

– Roald Drønen, som no er prest på Bømlo, har nok kviskra bømlingane nokre ord i øyret om dette. Men i alle fall kom det ein førespurnad frå Langevåg om me kunne setja opp kabareten der, seier ein nøgd korformann, Karvel Strømme, til fitjarposten.no.

Han fortel vidare at då dette vart nemt for medlemane i koret, vart det ikkje særleg diskusjon, men nokså snart eit: – Ja, dette gå me for!

– Vert opplegget som på Fitjar?

– Ja, det trur eg, men me må sjølvsagt sjekke sceneforholda først, seier Strømme, til slutt.