Etter ein tung start kjørte Fitjar-juniorane over Rubbestadneset i onsdagens seriekamp, og gav seg ikkje før det stod 10-1.

Dei første 20 minuttane var det ingen ting som skulle tyda på storsiger for Fitjar-gutane. Faktisk var det gjestene som hadde ballen mest og dei beste sjansane i byrjinga av kampen.

Men då Brynjar T. Engelsen gav Fitjar 1-0 etter 20 minuttars spel, var det meir eller mindre slutt for dei blå gjestene frå Rubbestadneset. I løpet av kort tid scora Fitjar fire mål til, slik at dei kunne gå til pause med ei 5-0-leiing. 2-0 ved Brynjar T. Engelsen, 3-0 ved Rune Levåg, 4-0 ved Geir Steffen Tranøy og 5-0 ved Rune Levåg tok naturlegvis motet frå motstandarane.

I andre omgang fekk me sjå fem nye mål av Fitjar. Det første kom ved Brynjar T. Engelsen, som dermed noterte seg for sitt tredje for dagen. Øystein F. Waage, Kjell André Thorland, Nils Ingard Tislevoll og Lars F. Waage scora dei fire siste for Fitjar, medan Rubbestadneset berre klarte å få inn eitt trøystemål.

Fitjar stilte med dette laget frå start:
Vidar Vestbøstad, Rune Levåg, Martin Vestbøstad, Andreas Torland, Mads D. Helland, Leif Tore Aarland, Kjell André Thorland, Geir Steffen Tranøy, Lars Fitjar Waage, Mats Brakedal og Brynjar T. Engelsen.

Innbytarar:
Øystein Fitjar Waage, Nils Ingard Tislevoll, Leif André Tangen og Halvor Larsen.

Dommar Robert Vørøs fekk ein fairspelt kamp å dømma, og kunne nøya seg med eitt gult kort, til Rubben.

ciclo esteroides