Halvor Livastøl Aga set ny fitjarrekord på Midtfjellet. Arkivfoto: Ingrid Hovstad

Laurdagens testløp av dei unge, lovande Fitjar-løparane viste at dei har trent godt under koronarestriksjonane.

Testløpet gjekk over 617 meter på asfalt rundt Fitjar Idrettspark. Starten gjekk på Rossnesvegen bak klubbhuset, og løparane følgde gangvegen ned til oppkøyringa til idrettsanlegget, deretter i retning barnehagen og så opp til klubbhuset.

Ikkje uventa blei Johannes Sandvik Bø best, med tida 1.40,16. Deretter kom desse lettbeinte løparane:

Bård Inge Bø 1.41,23
Halvor Livastøl Aga 1.44,00
Marius Torbjørnsen 1.45,80
Marius Pedersen 1.50,51

Det var godt levert av alle, seier friidrettstrenar Bård Inge Bø. Me set likevel eit ekstra utropsteikn ved Halvor Livastøl Aga. Med tida 1.44,00 var han heile 4,51 sekund betre enn sist han sprang denne løypa.

– Halvor blir knallbra, meiner friidrettstrenar Bø, sjølv om han ikkje er veldig rask førebels. På distansar frå 3000 meter og oppover vil han nok slå alle dei andre, meiner Bø.

Friidrettstrenaren lovar å få laga eit Strava-segment på denne løypa rundt idrettsanlegget, så då kan me andre prøva òg …