Det er no klart for oppstart av vårens babysongkurs, og det er framleis ledige plassar.

Babysongkurset går over åtte samlingar og passar for alle babyar mellom 0 og 12 månader. Samlingane finn stad på loftet på Fitjar bedehus, der ein først har songstund og så nistemåltid med god tid til prat.  Under songstunda får babyane liggja på ei dyna på golvet medan dei vaksne sit på puter rundt. Songstunda inneheld mange ulike songar og regler og babyane får oppleva musikken på mange ulike måtar. Informasjon om påmelding m.m finn ein på kalenderen her på Fitjarposten, heimesida til Fitjar bedehus og på plakatar.

Første samling er allereie onsdag 9. januar, så dei som vil vera med må hiva seg rundt å melda seg på med det same, opplyser Astrid K. Prestbø, som som er ein av leiarane på kurset.