Med øving fredag, laurdag og i dag, i alt over 12 timar, kvessar Fitjar Musikklag seg skikkeleg før vårkonserten sin laurdag 5. april, der det òg vert utdelt kulturpris.

Temaet for konserten deira denne gongen er «Norsk på Norsk» med kjende poplåtar frå mellom anna DumDum Boys, Vamp, Åge Aleksandersen, CC Cowboys og deLillos.

Med seg på konserten har dei solistane Ole Andre Westerheim, Marthe Volden Nordfonn og Årstein Tislevoll og bandet med Per Egil Larsen på el.gitar og Øyvind Fitjar på bass.

Fitjarposten var i dag innom øvinga og kan melde om at folk har mykje å gle seg til.

Kulturprisen går som kjent til Jakob Vik som vil få denne utdelt på konserten.

Sjå elles annonsen til høgre på denne sida.