Fitjar-KRIK får besøk av eit ressursteam frå KRIK-Hordaland denne helga.

Me har fått fylgjande gladmelding frå kyrkjelydsprest Nobukazu Imazu:

Fredag 16. april kl. 19.00-21.00 kjem eit ressursteam på to ungdomar frå KRIK-Hordaland på besøk til den lokale KRIK-samlinga i Fitjar kultur- og idrettsbygg.

KRIK står for Kristen idrettskontakt og har som mål å inspirera ungdomar til eit sunt liv med Jesus gjennom idrett. Lokallaget i Fitjar vart danna i 2001og har samlingar i Fitjar kultur- og idrettsbygg kvar fredag kl. 19.00. Samlingane er for dei  frå 8. klasse og oppover, og er eit kjend tilbud blandt ungdomane.

Denne fredagen skal dei to gutane frå kretsen ha ansvar for både andakt og aktivitetar. Aktivitetane held på frå klokka 19.00 til 21.00 med ein kort pause med andakt ca på midten. Det blir mykje leik og moro, og denne dagen vert det gratis mat etter treninga, avsluttar Nobu, medan han ynskjer velkomen til KRIK og minner om at U-caf er open til klokka 22.00.