Unge Silas Aarbø Olsen har vore til gapahuken ved Kidnavatnet i ettermiddag, men skigleda varer nok ikkje så lenge. Foto: Kjetil Rydland.

I dag er det flott skiføre på fjellet, og det er køyrt opp løype frå Olstjødno til Svartavatnet, men kor lenge varer gleda?

Skiføret er upåklageleg i vegen frå Olstjødno og oppover fjellet, og mange har nytta den sjeldne skiføret. Ved Olstjødno møtte me i 15-tida vesle Silas Aarbø Olsen, som hadde vore med far sin ein tur på ski til gapahuken ved Kidnavatnet.

Senior, Johannes Olsen, fortel at skiføret er flott i lysløypa opp til Svartavatnet. Men det er fare for at gleda ikkje varer så lenge. Så det gjeld å hiva seg rundt og komma seg til Olstjødno fortare enn svint om du vil gå på ski på heimlege trakter. Snøen regnar nok snart bort.

Fint skispor frå Olstjødno og oppover, men kor lenge varer det? Foto: Kjetil Rydland.