John Hudson, ein av England sine største B-kornettistar, tek del når Fitjar Musikklag inviterer til konsert i Kultursalen 18. mars kl. 16.00.

Som solist på kornett har Hudson har turnert i mellom anna Japan, Holland, Sveits, Belgia, Gibraltar, New Zealand og Noreg. Han byrja å spela som 8-åring og har seinare vore med i fleire berømte korps.

I 1970 tok han pause frå brassband og spelte profesjonelt i band – med trompet. Han har dirigert CWS Glasgow Band i Skotland, og vann den britiske meisterskapen i 1990. I tillegg til jobbing med korps, var han kornettlærar i Salford College of Tecnology i Manchester i fleire år. På midten av 90-talet flytta han til Noreg og Måndalen i Møre og Romsdal, der han har budd dei siste ti åra. Her jobbar han både som dirigent og utøvande musikar.

Med på konserten 18. mars vert og dansegruppa "Flyt"  som består av Rannveig Matre Berrefjord, Randi Thorland og Ingvild Jensen, med. Dei vil dansa til tre nummer som musikklaget spelar til "Karneval i Oslo, Lambada".