Mariann Vestbøstad var ikkje snauare enn at ho henta heim både kongepokal og tre gull i frå NM i symjing for funksjonshemma i helga.

Kongepokalen var spesiell. Me snakkar om Kongepokalen 2005, for det blir berre utdelt ein funksjonshemma idrettsutøvar kvart år.

-At eg fekk den skuldast nok at eg sette fire verdsrekordar og vann ei rekkje NM-gull i løpet av året, seier Mariann til ”Sunnhordland”.

Men kanskje var ho aller mest nøgd med tidene. –No er eg tilbake der eg var før operasjonen i haust. No veit eg at eg kan prestere igjen, smiler ho. I april går turen til Sør-Afrika, og symjearenaen der VM skal arrangerast i desember.

- Annonse -