Det var god stemning og mange smil å sjå då søndagsskulen inviterte til påskeegg-koking måndag føremiddag.

Over seksti små og store møtte opp då søndagsskulen inviterte til tradisjonell 2. påskedagssamling i Breiavikjo. Det var påskequiz i skogen, koking av egg, grilling av pølser og anna, det var slak line, bocca, fotball, kubbespel, bursdagssong, avslapping i sola og mykje plasking med vatn.

Storavatnet såg framleis ut som det var dekka av tjukk is, men issmeltinga går fort så seint på våren og synet kan bedra, og det var langt frå trygt å bevega seg utpå. Men det var heller ikkje råd å padla i kano slik dei eldste søndagsskuleungane hadde håpa på å gjera. Men uansett smilte både små og store om kapp med sola og naut fellesskapet, varmen i solstrålane og ein siste rest av påskeferie. 

Dette var 12. gong Fitjar søndagsskule inviterte til påskeegg-koking, og dette er berre ein av mange kjekke søndagsskule-tradisjonar som skjer gjennom året, kunne dei eldste søndagsskuleungane fortelja.

Olga Vestbøstad storkoste seg med grilling av pølser.

Kopi av 20130401 paaskeeggkokin HR6

Mange små og store koste seg i Breiavikjo.

Kopi av 20130401 paaskeeggkokin HR3

Chris Andre Helland koste seg med pølsa i brød og å leika i sanden.

Kopi av 20130401 paaskeeggkokin HR2

Hanna Vestbøstad var ei av mange som nytta høvet til å prøva å gå på slak line.

Kopi av 20130401 paaskeeggkokin HR4

Mykje kjekt å finna på på stranda.

Kopi av 20130401 paaskeeggkokin HR5

Sjå kor flott den kokte eggeplomma mi ser ut, den må du ta bilete av, sa ein av gutane.

Kopi av 20130401 paaskeeggkokin HR7

Tida i Breiavikjo er på hell og Birgitte S. Rydland testar ut om støvlane kan fungera som bøtta…