Eivind Raudstein er ein av rundt 20 fitjarbuar som laurdag skal delta i« Birken». For han er det for aller første gong.

Eivind (63) fortel til fitjarposten.no at han har hatt for vane å sykla til jobben gjennom mange år. Men no vil han gjere litt meir ut av det, og har meldt seg på Birkebeinerrittet. 

– Korleis har du førebudd deg?

– Eg har mellom anna delteke  i Nordsjørittet som er på 92 km, like langt som rittet frå Rena til Lillehammer. Nyleg sykla eg òg rundt Siggjo. Det er endå lenger, smiler Eivind Raudstein, som gler seg til Birken på laurdag.

Det er 8. gong at syklistar frå Fitjar reiser samla over fjellet for å delta i Birken, og i år er det altså fleire enn nokon gong.

Ingressbilete: Eivind Raudstein. Foto: Håkon C. Hartvedt