Ein stor gjeng med fitjarungdomar reiste på skileiren til KRIK Hordaland på Voss fredag 11. februar.

Me møtte opp i Sandvikvåg klokka 14.00, tok ferja til Halhjem og kom via Bergen til Voss litt før klokka 17.00. På vegen snakka ungdomane om kva dei skulle gjera under leiren, og om kor mykje dei gledde seg.

Me gledde oss over at me fekk hamburgar til middag. Etter middagen vart det eit møte med kule lovsongar! Under andakta snakka presten Knut Tveitseid om at me er så verdifulle for Gud, nettopp fordi me er skapte i Guds bilde. Det vart quiz, underhalding og nattkafé etter møtet.

Det var 150 deltakararChallenge. Me frå Fitjar var den største gruppa i år som i fjor: 3 vaksne leiarar, 8 tenåringsleiarar og 55 deltakarar. Me sov på klasserom på Voss ungdomsskule, men ikkje alle ville leggja seg så tidleg som før klokka 24.00!

Neste dag måtte me stå opp klokka 07.00. Frukosten starta klokka 07.30, og møtet tok til klokka 08.45. Det var ein flott dag med sol og blå himmel. Me kunne velja mellom desse fem aktivitetane: Alpint, snowboard, jibbing, ballsport og winter adventure.

Alpint var fitjarungdomane sin favorittaktivitet. Me fekk taco til middag då me kom tilbake til ungdomsskulen. Etter middagen var det møte med nattverd. Ungdomane følte at det var kult med eit lovsangsteam med band. Lovsongen ”All because of you” vart ekstra populær!

Det vart også fint vêr på søndagen, sjølv om det bles litt. Ungdomane koste seg i bakken, og nytte det fine vêret. Me kom tilbake til Sandvikvåg kl. 19.40. Då var me kjempetrøytte. KRIK Hordaland gjorde ein stor innsats for fitjarungdomane under Challenge. Mange av dei ynskjer å dra dit neste år også!