Vêret var ikkje heilt optimalt då Skandinavisk Tivolipark starta opp kl 12.00 i dag. Likefullt har ein del folk vore innom – og karusellen går.

-Det er likevel ikkje til å leggje skjul på at me ventar på fleire folk, seier Costel Tecucianu og Magdo Claudiu ved Tivoliet. Dei har begge ansvar for karuselldrifta.

Nokre hadde vore i popcornbua, og nokre barn hadde vore på karusellen, då me var innom. Mellom anna Markus og Amalie Helland Tislevoll. Dei måtte nytte dagen i dag, i det dei skulle på reise i helga. Om vêret var dårleg var bonusen at dei fekk køyre ekstra mange rundar i dag,  sidan det var så lite folk innom.

Ingressbilete: -Velkomen til tivoli, seier Costel Tecucianu  (t.v) og Magdo Claudiu, som vonar at vêret vil vise seg frå si beste side utover helga. Foto: Håkon C. Hartvedt