Ei gruppe på minst seks personar var klar til avreise då me møtte dei på Lambatøkje.

Desse hadde meldt seg på kajakk-tur som skulle starte i Kuleseidkanalen i ettermiddag. Det var meininga å padle til Espevær, men arrangør Sunnhordland Padleklubb endra planane grunna vermeldinga for helga. Ein av deltakarane, Kjetil Hjelle, fortel at det heller blir padling i Børeidfjorden og overnatting i telt på ei øy. Opplegget er meint som ein kosetur med padling både i dag og i morgon. Kjetil Hjelle nyttar høvet til å minne om at Sunnhordland Padleklubb har kjøpt ny kajakk til utleige. Interesserte kan kontakte Hans Engel Ivarsøy.

Dette kan ein lese meir om på sunnpadling.blogspot.com. Elles kan ein og minne om grunnkurs i kajakkpadling neste helg, som er ope for alle.