4H sin lavvo er på plass ved Jokerbutikken på Rydland. Her er det lurt å ta ein stopp viss du framleis manglar juletre.

Då me stansa ved Jokerbutikken i ettermiddag, kjende me ei god matlukt som kom frå lavvoen. Innandørs sat Kristina Korsvik og Elin Korsvik og steikte vaflar. På ein liten vedomn stod ei gryte med varm kakao. Her var det høve til ein gratis smak både av mat og drikke.

Utanfor stod Emilie Helland og Silje Rydland og selde juletre til godt brukande pris. Alle jentene såg ut til å trivast med arbeidet. Eg går ut frå at handelen held fram nokre dagar til.