Mykje å velja i og svært mykje folk på julemessa som Dåfjorden Vel arrangerte søndag ettermiddag.

Det var allereie fullt av bilar over alt då Fitjarposten var innom rett etter at julemessa opna kl. 13.00. Og det var mykje å velja i. Me la merke til mykje fint strikketøy, julekort, julegodteri, lokalprodusert honning, ymse handarbeid, brystduk og belte til Hardanger-bunad, julekort i ulike fasongar og mykje, mykje meir. Så her skulle det vera noko for ein kvar smak.

Det er å tru at mange nytta høvet til å kjøpa julegåver i dag; me såg iallfall at folk nytta høvet til ein god drøs over ein tallerk betasuppe med brus, kaffi og deilige kaker til.