Bakken barnehage framfører julespelet under gudstenesta i går. Foto: Kjetil Rydland.

Over eit hundre barn frå alle barnehagane i Fitjar var samla til julegudsteneste kyrkja i går.

Ei flott pynta kyrkje var halvfull av barnehageungar. I tillegg var ein god del foreldre, besteforeldre og ungar som ikkje går i barnehage, til stades.

Fitjarstølane barnehage stod for tenninga av adventslysa, og song «Eg er så glad kvar julekveld».

Ungane i Bakken Barnehage deltok med ein kortversjon av julespelet som dei framførte under Venskapsfesten for Stefanus-borna i slutten av november.

Ein stor flokk frå FUS Fjellheim barnehage song «Det lyser i stille grender», før ungane frå Dåfjorden og Årskog danna fellsekor og framførte «Ære vere Gud i det høgste».

Samværet blei avslutta med «Å jul med din glede» som allsong. Dermed var ein halvtimes julesamvær over, og me kan seia som sokneprest Roald Drønen:

– No kan me så smått seia «god jul» til kvarandre!

Sokneprest Roald Drønen hadde ein god dag i kyrkja. Foto: Kjetil Rydland.

 

- Annonse -