Ei bil-demonteringsbedrift i Sagvåg på Stord var i natt utsett for innbrot og tjuveri.

– Ein polsk registrert varebil stod parkert like ved anlegget, og det var fleire bildelar i han. Politiet rykte ut og fakka etter kort tid to menn på 26 og 23 år. Det er mistanke om at dei to har teke seg inn i området gjennom gjerdet. Begge vart innbrakt til sentralarresten i Haugesund og sett i arrest, opplyser operasjonsleiar Stein Sørensen i Haugaland- og Sunnhordland politidistrikt.